Erfalasorput pillugu
erinarsuutit
PDF
Qaasuitsup qaamanera / Nammineq erinalik
Taalliortoq & erinniortoq John Eliassen
Tulliilersuisoq Akaaraq Samuel Olsen
1. Erfalat kalaallit perput pinneqaaq
aappalaartoq qaqqorittalik.
Qaamaneq, kaperlak, sermeq, sikutaaq
asseqarput tulluartumik.
Taassuma kalaallip pissusaa uliissavaa
taamatut nakussusissavaa.
2. Aasarissup qaamaneq pilersitaa
qiimanartoq allisittaraat.
Nalliuttup, ullup suup pingaarutaa
tamaginnut takutittaraat,
assuartutut pingaartitaarpaluttutut
qiimanermik qungujuttutut,
3. Qaasuitsup unnuaa tikippagu
nunavitta sinilersutut,
taarnerup inuuneq aqqusaarpagu
tarningit qaminniartutut
taartuartumi ikippat neriunnera
nuisittutut seqinera.
4. Iigareersut sermit kassutarasaat
qiimanartut piniakkanut
ullut nikerartuartut assigaat,
soorlumi oqarniartutut:
Qaa, suliinnarit nukisssamik ujarlerit
pilluarsaruk inuunerit!
5. Erfalat, katinngaterput pillutit
pilluaammik nikuippunga.
Sakkugaatsigit kalaallit – qinngorit
seqinertut qaammarissumik!
Erligissavakkit asasattut taallutit:
”Qaasuitsup qaamanera”-nik.
Seqernup qaamanertaa / Nammineq erinalik
Taalliortoq erinniortorlu Sofus Joelsen
1. Inuiaat kalaallit
eqeersimaarluartut
asanningaartut nunamut
pigisaminnut nammineq
takussuserniarlugit
amussavarput maanna.
2. Inuiaat kalaallit
ilisarineqaataat
asallugu isigisaat
pigisaq namminerisaq
takussut uagutsinnut
seqernup qaamanertaa.
3. Inuiaat kalaallit
nunaat avani ittoq
sermersuarmik qalligaq
iluliarsuarpalik
allat tupigingaartagaat
soorlu qalipagaannaq.
4. Inuiaat kalaallit
seqernat qaamangaartoq
tungutsorimmik qilalik,
sarfarsiat sikorsuit
imarsuarmi tarratik
peqatigilluarpaat.
5. Inuiaat kalaallit
imminnut aqulersut
takussuserniarlugit
amuneqartarilitoq
kinaassusermut ersiut
kalaallit pigisassaat.
Nunatta erfalasua
Taalliortoq Pavia Lyberth
Erinaa: Timmiaaqqatut sulunnit / Friedrich Silcher
1. Erfalasoq isigaara.
Nunama pigisaraa.
Qullagaasoq pinnaraara.
Asaqaara. Erligaara.
Nunama pigisaraa.
2. Erfalasoraat kalaallit
ersarissoq tamanut,
tulluartoq qaallorimmut
aasarissumilu aamma
kusanarluni ila.
3. Asanninneq aappalaartoq
qalipaatip aapparaa,
qaqortorlu ersarissoq
taannalu isumaqarli
nunaga eqqissili!
4. Nuannaarluta kalaallit
takuarput uani
qullagaasoq katinngapput
nalliummat ullulaami
nunagisap ullua.
5. Nuannersuni tamani
aamma artornartuni
qullagaaguit atinni,
tassanimi misigaarput
pilluta atortutit.
6. Illit pigisarivaatsit
inuit kalaaliviit.
Qullagaaguit katinngat
nalunaarutaa unaammat:
-Nunaga asavagit!
Aappalaartorput / Nammineq erinalik
Taalliortoq Samuel Knudsen
Erinniortoq Akaaraq Samuel Olsen
1. Aappalaartorput pinnersutit
allanit naleqanngilatit.
Nunavinnut naleqqunnerit
qalipaatikkut ersersitat
qiimasuutigigakku ilukkut.
2. Seqinersuummi sermersuit
pavaniittullu qaqqarsuit
saqqaraangagit kissartumik
aappilaanngualersillugit
naleqarnatit pinnerputit.
3. Aappalaartorput pinnersutit
tamani erfalaartuarit!
Qaqqanut, serminut, nunamut
kisivippit naleqqunnerit
tamavinnut inunnut uleeruk!
Katinngat nunatta pigaatit
Taalliortoq Karl Kristian Lennert
Erin.: Najortillutit asangaannga N.P. Hardelius
1. Katinngat nunatta pigaatit
nutaasumik takkukkavit,
seqernup ullaakkut pilersup
nuimmatit kissartumik.
2. Katersorpugut avatinni,
sumiikkutta saappatsigit.
Sunillu sulissussinermi
ataatsimut kattuppatit.
3. Katinngatiga asaqaakkit
nunannut pingaartuugavit.
Ataqqillutillu pigaakkit
inuuninni tunngaviga.